Kosblik 101 / Lunch boxes

Subscribe for more recipes

Enter your email address to subscribe to this blog and receive notifications of new posts by email.

Tunakoekies

’n Viskoekie is beslis nie ’n nuwe idee nie, maar het jy dit al met tuna gemaak? Dis ’n heerlike alternatief en ’n maklike manier om iets anders vir jou kosblik-agenda te hê. In plaas van sardyne in tamatiesous, word die tuna met ’n bietjie mayonnaise, blatjang, suurlemoensap en vars kruie gegeur. Die viskoekies word in ’n klein bietjie olie oor matige hitte in ’n pan gebraai, so wees versigtig dat dit nie te olierig word nie. Dis ’n heerlike sagte tunakoekie en word warm of teen kamertemperatuur ewe veel geniet deur almal – dus ideaal vir ’n aandete of kosblik.

read more

Somer-tortillas met steak & slaai

Welkom in 2018! Mag dit ’n baie spesiale jaar met vele wonderlike etes aan jul tafel wees. Hier is ’n lekker somer-resep om die jaar mee af te skop. Dalk is julle nog met vakansie of het nog kans vir ’n rustige piekniek of kuier met familie en vriende voor die jaar begin spoed optel. Vir die nuwe jaar, kry Kosblik so ’n effense ander aanslag. Dit word nou In & Uit Kosblik genoem, so ons gaan oor nog meer resepte en idees gesels om jou en jou gesin aan te moedig en te help om ’n gesonde leefstyl maklik en opwindend te maak.

read more

Klein lensieburgers

Laat jou kinders die vakansie in die kombuis help – dit kan groot pret wees. Dié lensieburgers is maklik om te maak en elkeen kan sy eie burger saamstel soos hulle daarvan hou. Maak dit ’n ete op ’n stoep of om die swembad, of wat van padkos of ’n piekniek?
Kinders wat in die kombuis help, is dikwels meer geneig om te proe aan dit waarmee hulle gehelp het. Maak dit vir hulle opwindend om in die kombuis te wees, dit maak sommer jou werk ook ligter.

read more

Eier-in-’n-koppie

Die feestyd lê voor en daarmee saam, ’n tyd wanneer ons dikwels meer as gewoonlik eet. Sorg dat hierdie lekker eier-in-’n-koppie op jou ‘kos-agenda’ is vir die volgende paar vakansieweke. Dit is ’n heerlike vullende en gesonde ete, maar glad nie swaar nie, so jy kan wel nog later in die dag ’n feesete geniet. Die eier, murgpampoentjies, bone, spinasie, ’n bietjie pesto en kaas pas goed bymekaar en dis baie maklik om te maak. Van die bestanddele word eers bietjie gesoteer om dit nog geuriger te maak. Geniet die eier-in-’n-koppie as ’n ontbyt of ligte middagete. As jy dit in die regte houertjies stoom, bv. silikoonbakkies, kan dit selfs maklik in gepak word.

read more

Lekkerste lensie-&-eiervrugslaai

’n Lensie-en-eiervrugslaai is vandag op die spyskaart. Noem dit sommer die lekkerste lensieslaai, want selfs mense wat dink lensies is vaal en vervelig of die wat nie baie van eiervrug hou nie, skep gou nog van dié slaai.
Hierdie resep kom uit my laaste resepteboek, Maak vyf en is een van daardie resepte wat mense dikwels sê, ‘sjoe, ek het nie gedink lensies kan so lekker wees nie’. Die kombinasie van geure en die manier waarop die eiervrug en lensies gaargemaak word, dra beslis by tot die lekker smaak en tekstuur.

read more

Spinasie-gereg met bone

Met die regte kombinasie van bestanddele en ’n effektiewe gaarmaakmetode, kan jy ’n paar bekende en redelik basiese bestanddele, maklik in ‘n feesmaal omskep. Botterbone, tamaties en spinasie kry ’n nuwe geurejas as dit so bietjie gesoteer word en ’n balsamiese geur bykry.
Op 14 November is dit Wêreld Diabetes-dag en vir die hele maand lê die klem op die koskeuses en leefstyl wat dit vir diabete en hul gesinne makliker maak om die simptome van diabetes te bestuur. Die fokus vir diabete, om hul bloedsuikervlakke te bestuur, is eintlik soos ons almal behoort te eet. Kies kossoorte wat voedsaam is, jou lank genoeg versadig gaan hou en nie kosse is wat jou bloedsuikervlakke te vinnig laat styg en weer laat val nie. Wanneer jou bloedsuikervlakke te veel wissel, is mens geneig om heeltyd honger of peuselrig te voel.

read more

Appel-happies met grondboontjiebotter

Sodra die somer aanbreek, begin baie mense ’n hernude poging aanwend om gesond te leef en eet. Somersklere wys mos so bietjie meer as die winterlae waaronder ’n mens makliker jou lyf kan verbloem. Gesonde eetgewoontes is iets wat regtig nie so moeilik is om te volg nie en as die hele gesin dit hul manier van doen maak, is dit soveel makliker om dit heeljaar vol te hou.

read more

Bone-falafels

Variasies op die tema – dis waaroor vandag se smullekker kosblik gaan.
Wie gaan kla oor ’n maklike resep wat lekker is en waarvan jou gesin hou? As jy boonop met min moeite ’n paar veranderinge kan maak om ander bestanddele ook deel van jul etes te maak, is dit mos ’n bonus.

read more

Pin It on Pinterest

Share This